Сандро Тонали ўйинларга пул тикиш қоидаларини бузганлик учун янги айбловларга дуч келмоқда.

Англия футбол ассоциацияси «Милан»дан 70 млн евро эвазига «Нюкасл»га ўтган яримҳимоячини 2023 йилнинг 12 августидан 12 октябрига қадар 50 бор ўйинларга пул тикканликда айблади. Хабар қилинишича, италиялик футболчи айбловларга 5 апрелгача жавоб бериши керак.

Эслатиб ўтамиз, ўтган йилнинг октябр ойида Тоналининг «Милан»да ўйнаган вақтларида пул тикиб келгани аниқланган ва шу сабаб футболчи 10 ойга дисквалификация қилинганди. Сандро қимор ўйинларига қарамликдан азият чекаётганини тан олганди, у 8 ойлик даволаниш курсидан ўтиши керак эди.